Garderoba e parë e bebit tënd!

Veshjet mikroskopike kanë filluar të të magjepsin edhe më shumë në këto ditë të fundit që të ndajnë nga ardhja në jetë e bebushit tënd. Nuk mundesh t’i rezistosh tundimit për të blerë veshjet, fustanet e kostumet  me të cilat tashmë e imagjinon në krahët e tu …

Me disa sugjerime të thjeshta, veshjet që do zgjedhësh do të jenë perfekte!
Si fillim nis të bësh një listë me gjithçka që është e domosdoshme, duke marrë parasysh masat dhe sasitë që të duhen në menyrë që të mos kesh as më shumë e as më pak seç është e nevojshme. Në ditët e para ku ngarkesa nuk do të mungojë, duhet ti japësh mundesi vetes që të mos rrish tërë kohen pranë lavatriçes.

Së dyti kur të zgjidhësh veshjet, mendo para së gjithash për lëkurën delikate të bebit tënd: gjithçka që do të duhet të jetë në kontakt me të duhet të jetë me fibra natyrale, e butë në prekje, me pak qepje, pa etiketa. Përpiqu të evitosh sa më shumë veshjet shumë të ngushta e që vishen me vështirësi.

Për veshjet e brendshmë (badi) një zgjidhje e shkëlqyeshme është stil amerikane me jakë të hapur ose mbyllja në anë  të cilat mund ti gjesh më marakt më të mira për bebet e fëmijët si Prenatal apo Okaidi.

Përsa i përket çantës për ditët e para në spital, pyet mjekun apo spitalin ku keni vendosur të lindni se çfarë të lejohet të marësh me vete. Bëje gati atë e nëse i vogli parashikon ardhjen e tij në skenë, do të shmangësh kështu mbledhjen e gjërave me shpejtësi ku mund edhe të harrosh ndonjë gjë!

Por i vogli yt nuk do të ketë nevojë vetëm për veshje … Ka shumë gjëra të tjera të domosdoshme që ti duhet të përgatisësh për të duke filluar nga një pako me pelenave për të porsalindura.

Ndërrimi dhe banja për fëmijët janë vërtet momente të veçanta. Kudo që të vendosësh të kujdesesh për të, do të duhet të organizosh e mbash të gjitha sendet e tualetit të tij të mbledhura në një kuti me patjetër të kesh: termometrin për ujin e banjës, gërshërët e posaçme për thonjtë e tij, napat e deri në sapunin apo shampon neutrale për ta larë butësisht. Prenatal ka një linjë të dedikuar për kujdesin e bebeve të quajtur That’s love ku mund ti gjesh këto artikuj, por edhe shumë të tjerë si biberonat apo sterilizatoret.

Kjo mund të jetë një ide se çfarë veshjesh e artikujsh të tjerë të domosdoshem të  marrësh për bebushin tënd!

Shkruani një koment
SHKO LART