Në harmoni me ty dhe natyrën

Ja cilat janë koleksionet e xhinsit që e bëjnë të mundur këtë.

Kur bëhet fjalë për xhinsin, na vijnë direkt në mendje dy gjëra: të rehatshme dhe të qëndrueshme.  Xhinsi është një material pa “kohë” që nuk del kurrë nga moda dhe e  shohim të rikthehet shpesh në tendencë duke mbetur  kështu një element kryesor I veshjeve tona. Një palë xhinse të mira që kombinojnë modernen e komoden na bëjnë të jetojmë momente të jetës tonë  siç nuk do të mund ta bënim me asnjë veshje tjetër.

Këtë sezon rikthehen modelet e xhinseve të  viteve ’80 & ’90, por tani ato vijnë më të freskëta dhe moderne e më e veçanta ato janë tërësisht pro natyrës.

Të gjitha  xhinset që ju propozjmë në këtë artikull  janë të bëra nga pambuk i qëndrueshëm, i cili minimizon impaktin në mjedis të materialit të xhinsit duke qënë që gjatë prodhimit të tij reduktohen substancat e dëmshme, uji dhe energjia.

Disa xhinse janë larë duke përdorur teknologjinë Jeanology, të cilat na ndihmojnë të kursejmë 45 litra ujë për model.  Disa nga markat më të mira në industrinë e modës  po zvogëlojnë përdorimin e kimikateve, ujit dhe energjisë, duke minimizuar kështu ndikimin në burimet natyrore të planetit

Ky është hapi i parë, përgatitës i objektivit të disa prej tyre si Mango, Springfield Cortefiel etj   për të përdorur pambuk të qëndrueshëm në 100% të veshjeve të tyre deri në vitin 2025 dhe tregon mbështetjen e vazhdueshme që marka si ato japin për për kultivimin e pambukut të qëndrueshëm në të gjithë botën dhe misionin për të inkurajuar edhe të tjera marka të bëjnë të njëjtën gjë.

Ky koleksion vërteton absolutisht pse xhinsi është ende i rëndësishëm e në mode, sot e gjithmonë, pavarësisht sesa dekada kalojnë .

Shkruani një koment
SHKO LART