FASHION GROUP ALBANIA PRANË FËMIJËVE

Fashion Group Albania bashkëpunoi me Kryqin e Kuq Shqiptar për t’u sjellë gëzim një grupi fëmijësh nga familje në nevojë. Ishin vetë punonjësit e kompanisë që dhanë idenë e këtij kontributi dhe disa prej tyre takuan fëmijët dhe prindërit e tyre në mjediset e organizatës ndërkombëtare. Veshje të ndryshme për fëmijë deri në 14 vjeç nga Okaidi u shpërndanë për të vegjlit në një atmosferë miqësore.

Okaidi është fokusuar tek veshjet dhe aksesorët e nevojshëm për fëmijë dhe i përket Fashion Group Albania, e cila përfaqëson në vendin tonë emra të njohur ndërkombëtarë në fushën e veshjeve. Përfaqësuesit e Kryqit të Kuq falenderuan përfaqësuesit e Fashion Group Albania që janë gjendur përherë pranë kategorive të ndryshme në pamundësi ekonomike.

Ndërsa Redon Sholla, drejtuesi komercial i Fashion Group Albania, pohoi se “do të vijojnë me të tjera nisma sociale gjatë vitit, për të përmirësuar jetën e përditshme të komuniteteve”. Kompania që ai përfaqëson tregon kujdes ndaj shoqërisë edhe duke përzgjedhur produktet me materiale ekologjike, si edhe me politika punësimi për të rinjtë

SHKO LART
×