80 Vite Stil – 80 Vite Cortefiel

Ka marka që ndjekin modën… dhe ka marka që e bëjnë atë të ndalet për një moment. Që prej ditës së parë, Cortefiel e kuptoi se veshja është gjuhë.  Dhe për tetë dekada me radhë, e ka folur këtë gjuhë me një theks të veçantë: atë të rafinimit, finesës dhe kujdesit për çdo detaj.

Një rrugëtim që fillon me një ide të thjeshtë

Të vishesh nuk është vetëm çështje stili, por një mënyrë për të treguar kush je. Prej vitit 1945, Cortefiel ka qëndisur historinë e modës spanjolle me elegancë, mjeshtëri dhe frymë inovative. Gjithçka nisi kur familja Quiros vendosi t’i jepte jetë një emri të ri. Vetëm pak vite më pas, në 1948, u krijua logoja ikonike Maese Cortefiel – një simbol që mishëronte mjeshtrin e qepjes dhe shpirtin e markës.

Në dekadat që pasuan, Cortefiel u bë sinonim i cilësisë: nga prezantimi në Feria de la Moda në Nju Jork në vitin 1958, deri te momenti kur Presidenti Lyndon B. Johnson veshi pardesynë e tij në 1964 – duke e kthyer në simbol të elegancës ndërkombëtare. Nga kostumet e përsosura që frymëzonin burrat e viteve ’60, tek linjat urbane dhe bashkëkohore të sotme – marka ka ditur të rritet me klientët e saj, duke mbetur gjithmonë besnike ndaj ADN-së së saj: sofistikim i përditshëm, për njerëz që duan të duken mirë, por mbi të gjitha të ndihen mirë.

Një përvjetor që flet për traditë, elegancë dhe evoluim

Në çdo dekadë, Cortefiel ka reflektuar shpirtin e kohës: nga pardesytë ikonike që u bënë pjesë e historisë së modës, tek kostumet që mishëronin elegancën e përditshme të viteve ‘60 e ‘70. Sot, 80 vite më vonë, ajo feston më shumë se një histori – feston një trashëgimi të stilit, të krijuar me përkushtim, mjeshtëri dhe respekt për njerëzit që e kanë bërë pjesë të jetës së tyre.

Stili që zgjat më shumë se një sezon

Në thelb të çdo koleksioni Cortefiel qëndron një filozofi e thjeshtë: të veshësh mirë është një mënyrë për të ndjerë mirë. Çdo copë është e menduar për të pasur jetëgjatësi – jo vetëm në cilësi, por në ndjesi. Materiale të zgjedhura me kujdes, prerje të pastra, detaje që flasin butë, dhe mbi të gjitha, një ndjenjë sigurie e rehatie që të shoqëron në çdo moment të ditës.

Kjo është arsyeja pse Cortefiel mbetet një referencë për elegancën e qetë, për ata që vlerësojnë përmbajtjen po aq sa formën.

Në 1979 lindi Klubi Cortefiel – programi i parë i besnikërisë së modës në Spanjë – dhe pak më vonë, në 1988, u krijua marka Springfield, që solli frymë të re dhe urbane.

Ndërsa në 1993, Cortefiel prezantoi Women’secret, një hap që ndryshoi mënyrën se si femrat ndihen dhe vishen. Pas disa vitesh suksesi, në 1999, grupi bleu markën Pedro del Hierro, duke e integruar si një linjë premium të njohur për dizajnin e rafinuar.

Në një botë që ndryshon me ritme të shpejta, Cortefiel mbetet një kujtesë e bukurisë që gjendet në thjeshtësi, në qëndrueshmëri, dhe në mënyrën se si moda mund të jetë e përjetshme kur vjen nga zemra.

Na vizitoni në dyqanet tona në TEG dhe QTU, si dhe Online në fga.al për koleksionet më të reja!