“Çorapet Shumëngjyrëshe” – Një Hap i Vogël me Vlerë të Madhe

Fashion Group Albania vijon traditën e saj të përkushtimit ndaj kauzave sociale, duke iu bashkuar nismës së “Çorapeve Shumëngjyrëshe” nga fondacioni Down Syndrome Albania. Kjo fushatë synon të promovojë përfshirjen, solidaritetin dhe mbështetjen për fëmijët me aftësi të kufizuara.

Si pjesë e kësaj iniciative, koleksioni i çorapeve shumëngjyrëshe do të jetë i disponueshëm në seksionet e dedikuara për fëmijë në dyqanet Prenatal dhe Okaidi. Të gjitha të ardhurat nga shitja e tyre do të shkojnë për mbështetjen e shërbimeve terapeutike në Qendrën e Shërbimeve PRO PAK, duke kontribuar drejtpërdrejt në përmirësimin e cilësisë së jetës së këtyre fëmijëve.

Angazhimi dhe ndërgjegjësimi i klientëve vazhdon të rritet në çështje me ndërgjegjësim social si kjo, gjë që është domethënëse për vlerat që Fashion Group Albania, si dhe kolegë të tjerë nga Grupi, mbështesin dhe vazhdojnë të promovojnë.

Ju mund të bëheni pjesë e kësaj nisme duke vizituar dyqanet tona. Një gjest i vogël mund të ketë një ndikim të madh – le të tregojmë së bashku fuqinë e komunitetit dhe solidaritetin që na bashkon!