EPOKA E RE E KOMODITETIT DHE STILIT ME ALDO PILLOW WALK™

Ndërkohë që estetika e këpucëve ka vertet vlerë, shumë marka largojnë fokusin nga komforti. Kështu që marka e mirënjohur kanadeze ALDO, vjen me një linjë të re për të provuar që stili dhe rehatia jo domosdoshmërisht duhet të përjashtojnë njëra-tjetrën.“Ne po shkojmë drejt një epoke ku stili dhe komoditeti duhet të jenë në sinkron,“ thotë Zëvendës Presidentja e ALDO Shoes®, Daianara Grullon Amalfitano.

-Stand Tall. Stay Comfy-

Teknologjia Pillow Walk

Pas 50 vitesh operim në treg, Aldo sjell një risi me ardhjen e sezonit të ri Vjeshtë-Dimër 2022. Fushata e fundit, synon të ofrojë rehati të krahasueshme me ecjen mbi pupla, duke ruajtur pamjen cilësore për të cilën brand-i është i njohur.Teknologjia e përdorur konsiston në një shtresë shkume mbështetëse më të lartë dhe me densistet të dyfishtë , duke ofruar mbushje shtesë në çdo hap. E ngjashme me shkumën memorike, këto shtroja nuk do të humbasin formën apo komoditetin e tyre me konsum.

Nuk ke pse bën kompromis me rehatinë kur zgjedh të veshësh një palë taka. Mbështetetja e rinovuar, siguron tashmë më shumë ekuilibër. Duket se sakrificat e tua për t’u dukur elegante mbi një palë taka, tani kanë një zgjidhje.