Fashion Group Albania mbështet Down Syndrome Albania me një aktivizim të veçantë në Okaïdi dhe Prenatal
Në kuadër të Ditës Botërore të Sindromës Down, Fashion Group Albania organizoi një aktivizim të veçantë në dyqanet Okaïdi dhe Prenatal, duke shitur çorape shumëngjyrëshe – simbolin ndërkombëtar të ndërgjegjësimit për Sindromën Down.
Kjo nismë u realizua në mbështetje të Down Syndrome Albania, një organizatë që punon për të drejtat dhe mirëqenien e personave me Sindromën Down në Shqipëri. Çorapet shumëngjyrëshe, të ndryshme në pamje, por të barabarta në vlerë, simbolizojnë diversitetin dhe rëndësinë e një shoqërie gjithëpërfshirëse.
Me këtë aktivizim, Fashion Group Albania forcon angazhimin e saj ndaj përgjegjësisë sociale dhe mbështetjes për komunitetin. Duke përhapur mesazhin e barazisë dhe pranimit, ne vazhdojmë të promovojmë një kulturë që vlerëson dhe respekton diversitetin në të gjitha format e tij.