FASHION GROUP ALBANIA PËRKRAH PUNËSIMIN E PERSONAVE ME AFTËSI TË KUFIZUARA

Në të gjithë botën tetori është muaji kur rritet ndërgjegjësimi për sindromën Down dhe publikut i tregohen aftësitë dhe arritjet e këtij komuniteti. Fashion Group Albania, si pjesë e Grupit BALFIN, njihet prej kohësh si kompani e angazhuar ndaj sindromës Doën, duke zbatuar një program punësimi për personat që i përkasin këtij komuniteti.

Ornela dhe Arjo u bënë punonjës të Fashion Group Albania në dhjetor të 2019 dhe u familiarizuan shpejt me mjedisin e punës dhe kolegët.
Drejtoresha Ekzekutive e kompanisë, Elda Hysenbelli, thotë se periudha më delikate ka qenë fillimi i pandemisë, kur situata e pazakontë kërkoi masa të shtuara për sigurinë shëndetësore. Kompania hartoi një plan të posaçëm për Ornelën dhe Arjon, duke u konsultuar edhe me familjarët. Marrëdhënia e tyre me kompaninë vazhdon e pandryshuar edhe sot, ndërsa vetë atyre iu është krijuar mundësia të punojnë me orar të reduktuar dhe në kushte të përshtatshme.

Praktika të tilla tregojnë hapësirat që krijohen kur bizneset bashkëpunojnë për të shtuar vlera në shoqëri.