Përshkrimi

Fashion Group Albania, pjesë e Albi Group që nga Gusht 2025, është Shoqëria e parë e shitjes me pakicë në sektorin e modës që solli konceptin e menaxhimit Franchisee në Shqipëri. Me synimin për të ngritur një standard të ri në tregun e modës/veshjeve dhe shërbimit të klientit, ne kemi rimodeluar tregun shqiptar duke prezantuar marka të njohura ndërkombëtare dhe produkte cilësore alternative. Fashion Group Albania është e pranishme në qendrat më të mëdha tregtare si Tirana East Gate (TEG) dhe Qendra Tregtare Univers (QTU), duke menaxhuar një portofol prej 10 markash të famshme, ndër të cilat Mango, Geox, Parfois, Prenatal, Okaidi, Carpisa, Cortefiel, Springfield, Women Secret dhe Aldo. Sot, ne operojmë me 17 dyqane fizike dhe përmes një përvoje online në platformën tonë, www.fga.al.

Albi Group, I themeluar mbi 30 vjet më parë nga familja Humolli ne Prishtine, Kosove, është rritur nga një biznes i vogël familjar në një lojtar të madh në shitjen me pakicë, pasuri të paluajtshme, shpërndarjen e mallrave të konsumit të shpejtë (FMCG), shërbimet ushqimore dhe mikpritjen.
Albi Group është i përkushtuar ndaj kënaqësisë së klientit, përgjegjësisë sociale dhe qëndrueshmërisë mjedisore, duke formësuar një të ardhme më të mirë për komunitetin.

Pozicioni i punës: Graphic Designer & Video Editor
Departamenti: Marketing
Vendndodhja: Tiranë

Përmbledhja e pozicionit:

Graphic Designer & Video Editor është përgjegjës për krijimin e vizualeve grafike dhe përmbajtjeve video që mbështesin komunikimin dhe fushatat e marketingut. Roli synon zhvillimin e materialeve kreative, adaptimin e tyre sipas udhëzimeve të brand-it dhe optimizimin për performancë në rrjetet sociale dhe kanalet digjitale. Pozicioni kontribuon në rritjen e identitetit vizual të brand-it dhe në realizimin efektiv të objektivave të komunikimit.

Detyrat

Krijimi i vizualeve grafike për fushata marketing online, offline & print.
Krijimi i materialeve promocionale për shtyp.
Montimi dhe editimi i videove (short-form & long-form), reels, ads dhe përmbajtje kreative për platformat sociale; (Meta, Google Ads).
Adaptimi i dizajneve sipas dimensioneve dhe udhëzimeve të brand-it.
Propozimi i ideve kreative për fushata, lançime produktesh dhe komunikime vizuale.
Bashkëpunimi me ekipin e marketingut për të zhvilluar koncepte, storyboards dhe moodboards.
Optimizimi i videove dhe vizualeve për performancë maksimale në ads dhe rrjetet sociale.
Ruajtja e organizimit të materialeve kreative dhe arkivimi i projekteve.
Krijimi i animacioneve të thjeshta dhe motion graphics.

Kualifikimet

Arsim i lartë
Njohuri shumë të mira të paketës Adobe.
Aftësi të forta vizuale, estetike dhe kreativitet në konceptim.
Aftësi për të punuar me deadline dhe në disa projekte njëkohësisht.
Njohuri bazë për trendet e design-it dhe videove në rrjetet sociale.
Aftësi për storytelling vizual dhe përpunim audio/video.
Aftësi komunikimi dhe punë në grup.
Njohuri bazë në Figma (përbën avantazh).

Shënime

Për të aplikuar në këtë pozicion pune, dërgo CV-në tek kompania/organizata me email duke klikuar këtu ose apliko nga duapune.com.

Kushtet e Punës:

Fashion Group Albania është një punëdhënës me mundësi të barabarta që ofron një mjedis pune profesional dhe dinamik, një paketë tërheqëse kompensimi dhe përfitimesh dhe mundësi për të shpalosur plotësisht potencialin tuaj profesional.

Mënyra e aplikimit:

Të gjithë të interesuarit mund të dërgojnë CV-të e tyre në adresën [email protected] brenda datës 20 Janar 2026

Vetëm personat që përzgjidhen për intervistë do të kontaktohen.

Të dhënat tuaja personale, të cilat dergohen nga ju vullnetarisht si përgjigje ndaj kësaj shpallje për vend të lirë pune, mblidhen dhe përpunohen, manualisht dhe/ose elektronikisht, nga Fashion Group Albania shpk, me qëllim vlerësimin e përshtatshmërisë tuaj për t’u punësuar në këtë vend pune. Këto të dhëna aksesohen vetëm nga persona të autorizuar të kompanisë dhe do të ruhen deri në përfundim të procesit të përzgjedhjes së kandidatit fitues. Subjektet e të dhënave personale, mund të ushtrojnë të drejtat e tyre sipas ligjit nr. 9887 dt. 10/03/2008 “Për Mbrojtjen e të Dhënave Personale”,i ndryshuar, pranë Fashion Group Albanina shpk, si dhe pranë Komisionerit për të Drejtën e Informimit dhe Mbrojtjen e të Dhënave Personale.