ALDO – Çelësi për Tërheqjen e Vëmendjes
Të dalësh nga shtëpia, të ecësh lehtë lehtë mbi takat e larta, me një model që xixëllon, ndësa fustani valëvitet dhe sytë e të gjithëve mbeten tek ty.
Ngjan si skenë e një filmi të bukur ë?!
Epo ja që vajzat tona e kanë ndjerë veten si në film, të veshura me këpucët e sandalet e koleksionit të ri të brandit kanadez Aldo Shoes, teksa janë mbledhur në eventin e këtij brandi në Shqipëri, nga Fashion Group Albania, pjesë e Balfin Group. Dhe padyshim sytë e të gjithëve ishin tek ato
Kjo ka qenë festa e radhës në Bllok, ajo festa ku të gjitha vazat e Tiranës duan të kenë një ftesë, siç edhe janë gjithë festat e Fashion Group Albania: në tarracën e bukur të Mugo, me ushqimet më të shijshme dhe kokteilet shumëngjyrëshe, me vajzat dhe zonjat e bukura që ndjekin modën e që janë gjithmonë të interesuara të zbulojnë koleksionet e reja, me fashionistet që pozojnë me shkëlqimin e këpucëve Aldo në këmbë ndërsa këpucët dhe çantat xixëlluese shërbejnë dhe si pjesë e dekorit të veçantë
Aldo Shoes, brandi i njohur kanadez tashmë gjendet prej dy vitesh në Shqipëri dhe ka bërë menjëherë për vete zemrat e vajzave dhe grave, jo vetëm me modelet e bukura, por edhe me cilësinë e pakrahasueshme. Jo më kot slogani është Pillow Walk Comfort, sepse ndonëse mund të kesh veshur takat mbi 12 cm të larta, prapëseprapë me këto sandale ecën sikur të jesh mbi puplat e jastëkut.
Ndërsa gama e gjerë e modeleve pastaj është dhe pika tjetër e forte: sekush mund të gjejë këpucët dhe sandalet e preferuara, si për jetën e përditshme ashtu dhe për eventet. Zonjushat që mezi presin mbrëmjen e maturës do gjejnë në koleksionin e këtij viti këpucët dhe sandalet rrëzëllitëse, që so t’i japin më shumë vlerë fustaneve. Apo dhe të gjitha vajzat dhe gratë që janë të ftuara nëpër dasma do mbeten të kënaqura me koleksionin e ri, sidomos me ato zgjedhjet larg takës së lartë, por që me materialet me shkëlqim kthejnë në këpucë eventi edhe modelin më të thjeshtë. Dhe janë kaq të bukura për mbrëmjet e verës në plazh, ku e njëjta sandale e paradites merr pamjen e fiks për tapet të kuq për mbrëmjet me muzikë në plazh. Dhe mos të harrojmë çmimet: pamja luksoze dhe komoditeti me Aldo Shoes janë të përballueshme për të gjitha vajzat dhe gratë. Ndaj jo me kot janë bërë kaq të dashura në vetëm dy vjet në Shqipëri. Kjo është edhe arsyeja që vajzat dhe gratë e njohura të Tiranës i presin me kaq gëzim festat e bukura të Fashion Group Albania.
