Një tjetër fushatë e suksesshme “Love Bag” nga Fashion Group Albania
Fashion Group Albania finalizoi me sukses fushatën “Love Bag” 2024. Kjo iniciativë e këtij viti, e cila u zhvillua nga 1 deri më 30 qershor, pati një përgjigje të jashtëzakonshme nga klientët e markës OKAÏDI me dhurimet e tyre.
Gjatë gjithë muajit, FGA mblodhi një numër të konsiderueshëm Love Bags të mbushura me veshje për fëmijë. Falë bujarisë dhe mbështetjes së komunitetit, kompania arriti të grumbullojë 2,427 veshje këtë vit, duke dyfishuar rezultatin e vitit të kaluar dhe duke vendosur një rekord të ri për këtë fushatë.
Suksesi i fushatës së këtij viti u bë i mundur përmes partneritetit të vazhdueshëm me World Vision Albania, e cila do të tërheqë në vijim veshjet e mbledhura dhe do t’i shpërndajë ato pranë komuniteteve në nevojë. Ajo që vlen te theksohet është angazhimi vullnetar i të gjithë stafeve të njësive OKAÏDI, të cilët bënë të mundur që i gjithë procesi i mbledhjes së dhurimeve të bëhej në mënyrën më efikase.
Përfshirja e klientëve dhe institucioneve arsimore
Këtë vit, fushata “Love Bag” përfshiu më shumë institucione arsimore, duke inkurajuar edhe fëmijët që të dhurojnë, që e transformoi fushatën në një orë edukuese për brezat e rinj. Ky angazhim i shtuar ka ndihmuar në rritjen e vetëdijes dhe pjesëmarrjes në këtë nismë të rëndësishme, duke përforcuar vlerat e solidaritetit dhe ndihmës reciproke.
Eneida Roci, e cila është Menaxhere e Markës OKAÏDI, mori pjesë pak ditë më parë konventën vjetore të mbajtur në Francë me pjesëmarrës nga të gjitha shtetet me prezencë të markës. FGA dhe OKAÏDI në Shqipëri u vlerësuan për përkushtimin dhe sipërmarrjen në realizimin e një nga fushatave më të bukura dhe shpresëdhënëse në kuadër përgjegjësisë sociale të korporatës dhe edukimit të brezave të rinj.
“Jam e lumtur për vlerësimin e marrë në konventën e OKAÏDI për angazhimin tonë ndaj përgjegjësisë korporative. Ky vlerësim forcon besimin tonë se bizneset mund dhe duhet të jenë një forcë për të mirën, dhe na motivon të vazhdojmë të synojmë për përsosmëri në iniciativat tona të përgjegjësisë sociale të korporatës. Faleminderit OKAÏDI për vlerësimin, dhe ekipit tonë në “Fashion Group Albania,” u shpreh Eneida.