Një Vit Rekord me Ndikim Pozitiv: FGA dhe Jumbo Albania Mbështesin Komunitetin

Fundviti është periudha perfekte për të përhapur gëzim dhe për të ndihmuar ata që kanë nevojë më shumë. Këtë vit, Fashion Group Albania, në bashkëpunim me Jumbo Albania, u bë pjesë e një nisme të veçantë që kontribuon në jetën e fëmijëve dhe komuniteteve tona.

Si pjesë e një viti rekord për projektet me ndikim social, Mane Foundation dhe Jumbo Albania mundësuan rinovimin e zonës sportive dhe rekreative të shkollës “Nënë Tereza” në Lezhë, duke krijuar një ambient të sigurt dhe funksional për nxënësit. Njëkohësisht, u realizua edhe rinovimi i dhomës rekreative të jetimores “Hans Christian Andersen” në Shkodër, duke u kujdesur për nevojat edukative të fëmijëve që banojnë aty.

Fashion Group Albania iu bashkua këtij misioni duke dhuruar veshje për një fundvit më të ngrohtë dhe më të gëzueshëm për fëmijët. Këto nisma tregojnë se sinergjitë mes kompanive të Grupit Balfin shkojnë përtej biznesit, duke krijuar një ndikim të dukshëm dhe të prekshëm në shoqëri.

Së bashku, fuqizojmë komunitetet dhe punojmë për një të ardhme më të mirë! Le të vazhdojmë të përhapim dashuri dhe mbështetje edhe në vitin që po vjen!