Fashion Group Albania

E themeluar në 2005, Fashion Group Albania është kompania e parë e shitjes me pakicë në sektorin e modës që solli konceptin e menaxhimit Franchisee në Shqipëri. Me synimin për të ngritur një standard të ri në tregun e modës/veshjeve dhe shërbimit të klientit, ne kemi rimodeluar tregun shqiptar duke prezantuar marka të njohura ndërkombëtare dhe produkte cilësore alternative. Fashion Group Albania është e pranishme në qendrat më të mëdha tregtare si Tirana East Gate (TEG) dhe Qendra Tregtare Univers (QTU), duke menaxhuar një portofol prej 10 markash të famshme, ndër të cilat Mango, Geox, Parfois, Prenatal, Okaidi, Carpisa, Cortefiel, Springfield, Ëomen’Secret dhe Aldo. Sot, ne operojmë me 19 dyqane fizike dhe përmes një përvoje online në platformën tonë, www.fga.al.

• 19 Vite Besim dhe Sukses – Pjesë e Grupit BALFIN

Suksesi ynë i vazhdueshëm është rezultat i përkushtimit tonë ndaj klientit, përzgjedhjes së markave që sjellim në treg dhe njohjes të tregut shqiptar të modës. Ne synojmë të plotësojmë nevojat e klientëve tanë duke vendosur standarde të qëndrueshme dhe duke ofruar një game të gjerë përmes markave që garantojnë cilësi dhe elegance.

Grupi Balfin është një nga grupet kryesore të investimeve në rajonin e Ballkanit Perëndimor
dhe më gjerë. I themeluar në vitin 1993 në Vjenë nga Z. Samir Mane, sot Grupi është i
pranishëm në njëmbëdhjetë vende dhe dy kontinente. Grupi operon në Austri, Shqipëri, Kosovë,
Bosnje dhe Hercegovinë, Maqedoninë e Veriut, Mal të Zi, Kroaci, Zvicër, Holandë, Shtetet e
Bashkuara të Amerikës dhe në Kanada.

Grupi ka rreth 5,500 punonjës dhe totali i Aseteve të Grupit (përfshirë institucionin financiar)
është 2.2 miliardë euro, sipas të dhënave të vitit 2023.
Me një diversitet të portofolit që përfshin pasuritë e paluajtshme, shitjet me shumicë dhe pakicë,
sistemin bankar, turizmin, energjinë, arsimin, logjistikën, etj. Grupi BALFIN ka tashmë një rol të
rëndësishëm në tregjet ndërkombëtare. Grupi është një partner i besueshëm për kompanitë
ndërkombëtare që duan të investojnë në Ballkanin Perëndimor.

Grupi Balfin ka prioritet çështjet mjedisore, sociale dhe të mirëqeverisjes në të gjitha fushat e
biznesit ku operon, duke nxitur një kulturë korporative në përputhje me iniciativat ESG në të
gjithë Grupin.

Disa nga kompanitë e Grupit BALFIN janë: Alba-Trade | Balfin Construction | Tirana Bank | Spar Albania | ACREM | Green Coast | East Gate Mall | QTU | TEG | Rolling Hills Liqeni | Next to Vala Mar | Retail Park | TBU | Balfin Americas | Go Green | Balfin Real Estate | Tirana Logistic Park | Stella Mare | Milsped Albania | On Solutions | KidZone- Jumbo | Balfin – Asset Management & Hospitality | FGA