Termat dhe Kushtet
TERMA TË PËRGJITHSHME PËR BLERJE ONLINE NË WEB TË FASHION GROUP ALBANIA
Kostoja e transportit:
Transporti në adresën tuaj kushton 180 lekë në Tiranë dhe 250 lekë jashtë Tiranës.
Për blerje mbi 6.000 lekë, transporti është falas.
Transporti mundësohet brenda 2-3 ditëve nga momenti i konfirmimit të porosisë.
Dorëzimi i porosive bëhet nga dita e hënë deri ditën e shtunë.
Mënyrat e Kryerjes së Pagesës
Klienti mund të kryejë pagesën me:
1. Para në dorë kur merr porosinë.
2. Kartë Visa ose Master Card.
Përpara se të përdorni këtë faqe interneti, ju lutemi të lexoni me kujdes termat dhe kushtet e përdorimit:
Terma të përgjithshme për blerjen online rregullojnë përdorimin e faqes www.fga.al (website zyrtar I FGA) e cila është në pronësi të kompanisë Fashion Group Albania sh.p.k, me numër unik identifikimi (NIPT) K51914011O, me seli në adresën: Tiranë Farkë LUNDËR, Godina e Brunes Space, Qendra Tregtare Teg, përballë hyrjes violë, rruga nacionale Tiranë-Elbasan, Farkë, Lundër, Tiranë dhe klientëve përkatës, e cila parashikon Kushtet e Përgjithshme të blerjes nga këta të fundit në rrugë elektronike të produkteve të Fashion Group Albania, nëpërmjet faqes së internetit www.fga.al, ku mund të kryejnë blerje nga market: MANGO, CORTEFIEL, SPRINGFIELD, OKAIDI, PRENATAL, PARFOIS, CARPISA, WOMEN’SECRET, GEOX dhe ALDO për femra , meshkuj e fëmijë.
1.QËLLIMI I DOKUMENTIT
Duke kryer porosi dhe duke bërë blerje në rrugë elektronike të të gjitha artikujve të markave që zotërojmë nëpërmjet faqes së internetit www.fga.al ju pranoni pa asnjë rezervë të gjitha Kushtet e Përgjithshme. Këto Kushte të Përgjithshme zbatohen për të gjitha shitjet që kryhen nëpërmjet faqes së internetit të Fashion Group Albania.
Në rast ndryshimi të Kushteve të Pergjithshme, ndryshimet përkatëse do të publikohen në këtë faqe interneti. Në rast ndryshimesh, ato nuk do të kenë fuqi prapavepruese. Për produkte apo oferta të veçanta që kanë kushte shtesë, do të publikohen me rastin e ofrimit të tyre në www.fga.al.
2. Procedura e kryerjes së blerjes/porosisë online
Për të kryer blerje në rrugë elektronike, klienti duhet të jetë mbi moshën 18 vjeç dhe me zotësi të plotë juridike për të vepruar.
Fashion Group Albania nuk mban përgjegjësi për mosfunksionimin e faqes së internetit, që mund të vonojë ose të mos lejojë kryerjen e porosive në rrugë elektronike, për shkak të ngjarjeve përtej kontrollit të arsyeshëm Fashion Group Albania-s apo për shkak të punimeve të mirëmbajtjes së faqes.
Fashion Group Albania nuk mban përgjegjësi për viruset kompjuterike që mund të ketë faqja e internetit.
Përmes blerjes online nga www.fga.al, ne ju sigurojmë siguri të plotë për ruajtjen e të dhënave konfidenciale. Klienti merr përsipër të përdorë pajisjet dhe programet e duhura për t’u mbrojtur nga sulme të jashtme (viruse, web të ndryshme, etj.) për të kryer blerje në mënyrë elektronike.
3. LIMITI NË BLERJE
Për arsye sigurie blerjet me vlerë mbi 120,000 lekë dhe mbi 30 artikuj nuk do të mund të proçedohet porosia, pa një mjet identifikimi(ID).
4. Produktet dhe Çmimi
Duke vizituar faqen www.fga.al, ju si klient do të informoheni në lidhje me informacionet përkatëse të çdo artikulli. Çdo informacion në lidhje me përshkrimin e produkteve, karakteristikat e tyre dhe çmimet do të shfaqet me specifika të detajuara në faqen e internetit. Gjithashtu, klientët kanë të drejtën të njihen me detajet që shoqëron produktet mbi ambalazhin e tij, të tilla si udhëzimet e përdorimit dhe përbërja e tyre.
Çmimet e përcaktuara në faqen e internetit të Fashion Group Albania janë çmimet neto me TVSH. Çmimet e përcaktura për produktet nuk përfshijnë kostot e transportit që janë në përgjegjësinë e klientit që zgjedh dorëzimin në adresën e përcaktuar prej tij.
Në rast gabimi në shkrim në lidhje me çmimet e një apo disa produkteve, Fashion Group Albania do t’i njoftojë gabimin klientit. Klienti është i lirë të zgjedhë për vazhdimin e transaksionit deri në fund apo ndërprerjen e tij.
Fashion Group Albania nuk garanton disponueshmërinë e çdo produkti të publikuar në faqen e internetit. Disponueshmëria e produkteve i referohet pasjes së produktit në magazinë. Në rast mungese të produktit, Fashion Group Albania merr përsipër të informojë klientin sa më shpejt në kontaktet që ai ka vendosur gjatë blerjes online.
Dorëzimi i Porosise
Në rast mungese apo vonese, ju do të njoftoheni nga Fashion Group Albania për shtyrjen e afatit të dorëzimit. Klienti është i lirë të zgjedhë nëse dëshiron ta pranojë apo anullojë porosinë. Dorëzimi i produkteve mund të kryhet vetëm në territorin e Republikës së Shqipërisë.
Në rast se Fashion Group Albania apo transportuesi i tij gjendet në pamundësi për të dorëzuar produktet për faj të klientit, si për shembull mosrespektim i orarit të caktuar për dorëzimin e produkteve, moskomunikimi i kushteve të veçanta të aksesit, klienti humbet të drejtën e rimbursimit të kostove të dërgimit. Kostot e kthimit të produktit do të zbriten gjithashtu nga rimbursimi i çmimit të produktit. Nëse klienti dëshiron një dërgesë tjetër, ai do të detyrohet të paguajë përsëri paraprakisht kostot e dërgimit.
5. PAGESA
Pagesa kryhet në fund të mbylljes së procesit të blerjes. Mënyrat aktive të pagesës për blerjen e bërë nëpërmjet www.fga.al janë:
· CASH në dorëzim të porosisë/tërheqjes nga klienti.
· PAGESE ME KARTE DEBITI/KREDITI. Në rast se FGA nuk mundëson përmbushjen e një pjese të porosisë apo porosinë e plotë të klientit atëherë pagesa do të zbritet/ rimburoshet çmimi /vlera e produkteve të padërguara brënda 14 (katërmbëdhjetë) ditëve kalendarike pune. Të dhënat bankare të klientit janë të sigurta përmes procesit të enkriptimit. Fashion Group Albania nuk mban asnjë përgjgjesi nëse karta bankare e perdorur, me të cilën kryhet një pagesë në faqen e internetit www.fga.al është një kartë e vjedhur apo e deklaruar e humbur, nëse banka përkatëse autorizon pagesën. Në rast se produkti që ju keni porositur nuk është më i disponueshëm, FGA do ju rimbursojë vlerën e blerjes brenda 14 (katërmbëdhjetë) ditëve.
· PAYSERA. Insitucioni i parasë elektronike, i liçensuar nga Banka e Shqipërisë. Paysera Albania është alternativa bankare që u mundëson dyqaneve online një metodë pagese me kosto të ulët vetëm në pak sekonda.
· POK PAY. Insitucioni i parasë elektronike, i liçensuar nga Banka e Shqipërisë, bankare që u mundëson dyqaneve online një metodë pagese me kosto të ulët. Çdo mënyrë pagese zgjidhet nga vetë klienti përgjatë procesit të blerjes. Klienti duhet të njoftojë menjëherë Fashion Group Albania në rastet kur ai konstaton që ai është ngarkuar me pagesa / komisione jo të sakta. Njoftimi mund të bëhet nëpërmjet kontakteve, telefon +355 4 4530530, në whatsapp 0686077441 apo email në info@fashiongroup.al në mënyrë që Fashion Group Albania të ndërmarrë sa më shpejt hapat e duhur për zgjidhjen e problemit.
6. Kthimi/Ndërrimi i Produkteve
⦿ Ndërrimi/Kthimi i produkteve është i mundur të bëhet brenda 14 ditë nga data e blerjes.
⦿ Produktet mund të ndërrohen vetëm me faturën origjinale të blerjes dhe kartën e identitetit.
⦿ Nuk është i mundur ndërrimi i produkteve të dëmtuara dhe të përdorura.
⦿ Nuk mund të bëhet ndërrimi i produkteve nëse është dëmtuar paketimi.
⦿ Për arsye higjenike, kthimi dhe ndërrimi i artikujve si të brëndëshme, rrobabanjo, çorape, geta, vathë nuk do të pranohen.
Në raste të konstatimit që artikulli është i demtuar apo është dërguar gabim nga ne, kostot e transportit mbulohen nga FGA. Evidentimi për difekte apo problematika tw produktit duhet të realizohet brenda ditës që merret porosia.
Vërejtjet tuaja mund ti paraqisni me email (përcaktim i dëmtimeve) në mënyrë që të merren parasysh nga Fashion Group Albania për zëvendësimin e produktit. Gjithashtu email-it duhet ti bashkangjiten foto të produktit së bashku me dokumentin zyrtar të blerjes së artikullit (kuponin tatimor, email-in konfirmues). Ky reklamim dhe çdo kërkesë tjetër duhet të realizohet brenda ditës që merret porosia ne dorëzim.
7. Shërbim I dedikuar – DORËZIM PËR DHURATË:
Blerësi do të ketë mundësi të kryejë porosi dhe ta dërgojë atë për dhuratë tek një person i tretë. Në momentin që porosia është për dhuratë pagesa nga klienti mund të kryhet me anë të numrave të llogarive , Paysera, POK ose me kartë krediti/ debiti.Komentet përkatëse vendosen në porosi. Gjithashtu blerësi mund të kërkojë paketim ndryshe apo vendosjen e një dedikimi të personalizuar. Për ndryshime të tjera të nevojshme personi që ka kryer blerjen duhet të dërgojnë një kërkesë në info@fashiongroup.al ose të kontaktojë me Shërbimin e Klientit.
8. SHËRBIMI KLIENTIT DHE KANALET E KOMUNIKIMIT
Për çdo pyetje , sugjerim, problem etj lidhur me dyqanin online të Fashion Group Albania, klienti mund të kontaktojë Sherbimin e Klientitn nëpërmjet kanaleve me poshtë:
-Telefon: +355 4 4530530
-Whatsapp: 0686077441
-Email: info@fashiongroup.al
Departamenti i Shërbimit të klientit do të presë dhe do ti përgjigjet shqetësimeve të klientëve sa më parë të jetë e mundur.
9. MBROJTJA E TË DHËNAVE PERSONALE
Fashion Group Albania rezervon të drejtën të përpunojë të dhënat personale në mënyrë që të përmirësojë menaxhimin e marrëdhenies me klientin dhe të promovojë produktet/shërbimet e ofruara në www.fga.al.
Mbledh dhe ruan të dhënat nga blerësi në momentin e bërjes së porosisë:
Emër, Mbiemër, Gjinia, Qyteti, Adresa, Tel, Email.
10. Cookies
Qëllimet për të cilat ne përpunojmë të dhënat e blerësve janë si më poshtë:
· Dërgim të informacioneve në lidhje me produktet e reja dhe ofertat e përgjithshme nëpërmjet · Newsletters, Pop-ups, SMS me mesazhe ose thirrjeve telefonike.
· Dërgimi të promocioneve speciale të personalizuara për klientët e regjistruar në programin e Happy Loyalty.