Tetori Rozë: Një Shfaqje e Solidaritetit nga Fashion Group Albania dhe World Vision Albania

---

Në përmbyllje të Tetorit Rozë, muajit të ndërgjegjësimit për kancerin e gjirit dhe mbështetjes për gratë dhe vajzat në nevojë, Fashion Group Albania ndërmori një nismë bamirësie që përcjell frymën e solidaritetit dhe ndihmës. Përveç aktiviteteve ndërgjegjësuese të organizuara përgjatë muajit, këtë vit kompania vendosi të ofrojë mbështetje konkrete për nevojat gjithnjë e në rritje të këtyre komuniteteve. Në bashkëpunim me ‘World Vision Albania‘, u përzgjodhën zonat ku ky kontribut do të kishte më shumë ndikim.

Në total, plot 921 veshje u dhuruan për qendrat e strehimit për gra dhe fëmijë te dhunuar në Elbasan dhe Librazhd. Ky gjest përbën më shumë se një ndihmë materiale; është një mesazh solidariteti dhe shprese, një premtim se askush nuk është vetëm në përballimin e sfidave.

Për t’u vlerësuar është përfshirja e stafeve të kompanisë në këtë nismë, tashmë të kthyer në një akt vullnetarizmi. Nga organizimi deri në dorëzim, secili anëtar i ekipit kontribuon me përkushtim dhe pasion, duke u angazhuar për një qëllim të përbashkët që shkon përtej rolit profesional. Ky përkushtim perfaqëson vlerat e kompanisë dhe qëllimin për të krijuar një ndikim domethënës në shoqëri.

Falënderimet më të sinqerta shkojnë për secilin anëtar të ekipit të Fashion Group Albania, që e bënë të mundur këtë përpjekje për t’i dhënë çdo gruaje forcën dhe mbështetjen që meriton. Përmes kësaj nisme, dëshmojmë se së bashku mund të fuqizojmë dhe mbështesim çdo grua që ka nevojë për ndihmë dhe shpresë.

Së bashku, për t’i dhënë forcë çdo gruaje!