Trende, Moda dhe Parashikimet për 2026
Viti sapo ka nisur dhe vështirë se mund të ishte më dinamik. Edhe pse jemi ende në javët e para të janarit, një gjë është tashmë e qartë: epoka e stilit klasik dhe “clean” po lë vend për një qasje më të guximshme dhe ekspresive. Si çdo vit që vjen, 2026 sjell me vete parashikimet dhe trendet e saj në botën e modës — unike, më energjike dhe më personale se kurrë.
Së fundmi, interneti po gumëzhin nga rikthimi i estetikës nostalgjike të vitit 2016. Një vit i mbushur me ngjyra, energji dhe kontraste, që ka lënë gjurmë në të gjitha dimensionet globale. Ky rikthim po zgjon tek njerëzit dëshirën për të qenë më prezentë në të tashmen dhe për ta shprehur veten pa filtra, përmes stilit.
Të tërheqin aksesorët e mëdhenj dhe varëset statement? Ngjyrat e ndezura dhe të forta pasqyrojnë karakterin tënd? Apo ndoshta preferon taka me dizajne unike edhe në ambientet e zyrës? FGA është këtu për t’i kthyer këto dëshira në realitet — por më parë, le të flasim për parashikimet kryesore të trendeve të këtij viti dhe si mund të gjesh stilin që të përshtatet më së miri.
- Stili maksimalist I viteve 80’
Frymëzohu nga energjia e viteve ’80 përmes fustaneve dhe xhaketave me printe florale, vathëve të mëdhenj, bluzave të dekoruara dhe një palete ngjyrash të pasura, të thella dhe të guximshme. Xhaketa oversized janë një “must” — mos kini frikë nga shpatullat e strukturuara apo materialet brokade. Kombinoji me geta të bardha (një tjetër trend që rikthehet) dhe taka elegante për një siluetë femërore, por me karakter. Dhe po, vathët me perla janë detaji final që e kompleton look-un. Për ta përkthyer këtë estetikë në stilin e përditshëm, Mango sjell veshje me prerje të guximshme, stampa dhe ngjyra statement, ndërsa Parfois e kompleton look-un me aksesorë të mëdhenj dhe detaje me perla, tipike për glam-in e viteve ’80.
- Aksesorët dhe personaliteti
Nga coquette sneakers te Labubus, aksesorët “cute” kanë qenë gjithnjë e më të pranishëm gjatë vitit 2025 — dhe kjo frymë vazhdon fuqishëm edhe në 2026. Mjafton një detaj i vogël për t’i dhënë outfit-it një ndjesi lozonjare dhe personale: fjongo të lidhura në çanta, charms të vendosura në doreza apo detaje të buta që transformojnë edhe kombinimin më minimalist.
Këtë estetikë e sjell në mënyrë të përkryer ALDO, Carpisa dhe Parfois, me çanta dhe aksesorë që lejojnë personalizim dhe stilim kreativ — nga detajet dekorative te format moderne që përshtaten lehtësisht me trendin “cute but chic”. Në 2026, edhe një fjongo e thjeshtë mund të bëhet statement.
- Chocolate Brown
Nga The New York Times te Vogue, të gjithë e kanë kurorëzuar “chocolate brown” si ngjyrën më pikante të dimrit — dhe ky është rikujtimi juaj vjetor se dimri zgjat deri në Mars. Qoftë përmes një kombinimi total njëngjyrësh, neutral të rafinuar apo kontrasteve me nuanca kremi dhe navy, kjo ngjyrë mbetet zgjedhja më e sigurt dhe elegante për sezonin.
Për ta përfshirë me finesë në garderobën tuaj, Cortefiel ofron silueta klasike dhe materiale cilësore në tone të ngrohta kafeje, ideale për një stil të përjetshëm, ndërsa Mango e interpreton “chocolate brown” në një qasje më moderne dhe urbane, perfekte për kombinime aktuale dimërore.
Këto dhe shumë të tjera do të na mbajnë në pritje për disa nga momentet më ikonike të modës në këtë vit të ri — dhe mezi presim t’i shohim këto trende të interpretuara dhe të jetësuara nga ju.
Për më shumë ide dhe frymëzim, na ndiqni në rrjetet tona sociale dhe vizitoni website-in tonë për të zbuluar koleksionet më të fundit të markave tuaja të preferuara.