Edhe pse lëkurën tashmë e ndjejmë të puthur nga dielli, ditët e fillimit të gushtit për ne janë nostalgjike sepse ndjejmë se vera po mbaron madje sikur nuk ka ekzistuar. Këtë padyshim e ndjen edhe garderoba jonë. Të mendosh se çfarë të veshësh këtë periudhë kthehet më tepër në një ndjesi se sa në një trend e megjithatë si ç’do sezon do të ketë trende.
Kjo verë le të themi se ka qënë një arkivë e viteve të kaluara, duke filluar me trendin frymëzuar nga kukulla Barbie; i karakterizuar nga veshjet rozë të ndezur, xixat dhe printet lozonjare, i cili u përhap shumë shpejt ndërkohë që prisnim me padurim lançimin e filmit të ri. As në ALDO,në një nga markat e mirënjohura për lançimin e trendeve të fundit në Shqipëri nuk ka munguar kapsula e dedikuar kukullës Barbie.
Obsesioni për stilin e viteve ’90 nuk është më sekret.Ka qënë një shtytës i vazhdueshëm sezonet e fundit por kësaj rradhe duke përfshirë një dashuri të re për veshjet e tejdukshme, me ndërthurje të fijeve metalike deri te xhaketat e frymëzuara nga motorristët. Inspirohuni nga MANGO për kombinimet më të “guximshme” të këtij sezoni.
Më pas stili Country: Këmishat; kapelet e kashtës; xhinset “flare” të thyera me elemente më modern si fustanet me ngjyrë metalike apo bustet e deri te stili bohem me fustanet “retro” në gjatësi mesatare; me lule ose ngjyra të ndezura. Nëse i përshtateni këtij stili gjeni gjithçka që ju nevojitet në SPRINGFIELD.
