“Unë Kujdesem” – Një fushatë që sjell dashuri, ndërgjegjësim dhe mbështetje

Tetori, muaji i ndërgjegjësimit ndaj kancerit të gjirit, është një kujtesë e fuqishme për çdo Grua — për të ndalur për një çast dhe për t’u kujdesur për veten. Këtë vit, Women’secret Albania, në bashkëpunim me Klinikën Mjekësore Komuna e Parisit, ka ndërmarrë një nismë domethënëse: dhurimin e disa kuponave për kryerjen e mamografive falas, si një mënyrë për të inkurajuar kujdesin dhe parandalimin në kohë të kancerit të gjirit.

Kjo nismë është pjesë e fushatës “I DO CARE”, që përçon një mesazh të thjeshtë, por të thellë — kujdesi nuk është vetëm një fjalë, është një mënyrë jetese. Të kujdesesh për trupin, për mendjen dhe për të tjerët, është një akt dashurie dhe solidariteti.

 Siç shprehet edhe vetë fushata: “Për çdo grua që ka nevojë të ndihet e mbështetur. Për mikeshat, për nënat, për ato që na kujtojnë të duam.”

Përveç mbështetjes për kontrollin dhe parandalimin e kancerit të gjirit, kjo fushatë synon të sjellë më shumë ndërgjegjësim dhe informim mbi rëndësinë e ekzaminimeve të rregullta, si një hap thelbësor për të kujdesur për shëndetin dhe për ta njohur më mirë trupin tonë. Por kujdesi nuk ndalet këtu — ai gjendet edhe në mënyrën se si flasim dhe shprehemi për gratë që përballen me këtë diagnozë.

Të kujdesesh për fjalët do të thotë të krijosh një kulturë mirëkuptimi dhe mbështetjeje, ku çdo grua ndjehet e respektuar, e dëgjuar dhe e përfshirë — duke krijuar një hapësirë empatie dhe përkujdesi.

Le të shërbejë kjo fushatë si një kujtesë që çdo vit, ndërgjegjësimi për kancerin e gjirit të rritet, dhe mbështetja për gratë, në çdo formë të saj, të mbetet gjithmonë një vlerë që na bashkon. Sepse kujdesi është një mënyrë për të qenë — me veten, me të tjerët, me dashuri.

💗 Për të rezervuar konsultën tuaj, mund të kontaktoni Klinikën Mjekësore Komuna e Parisit në: +355 696030760